Er alcalde Francisco Rodríguez Miranda a arregraït aué, en nòm der equip de govèrn der Ajuntament de Bossòst, era dedicacion, er esfòrç e era participacion dera Comission de Hèstes atau com de toti es vesins e vesies, qu’an hèt possible era Hèsta Major de Sant Ròc 2012, per miei des diuèrsi actes programadi, a despièch dera reduccion pressupostària qu’enguan a patit era celebracion.

Damb tot, er Ajuntament ne hè un balanç positiu, pr’amor dera comprension, eth gòi e era bona volentat qu’era comission e es vesins an demostrat en actes coma es balhs de net, es animacions de tarde o era pròpria decoracion des carrèrs.