Er Ajuntament de Bossòst a efectuat aué eth pagament deth 50 % deth deute deth plan estatau de proveedors qu’auie contrèt damb er Institut de Credit Oficiau (ICO). Eth deute totau ascendie a 211.000 èuros, qu’includís es obligacions pendentes derivades dera contractacion d’òbres, subministraments e servicis, d’ençà des ans 90. Era màger part d’eres èren restacades damb eth subministrament electric.

“Era reduccion des despenes e era aplicacion d’un plan intèrn d’ajustament mos permet de resòlver aguesti deutes e contribusir ara solvéncia der Ajuntament, sense besonh d’ipotecar eth consistòri pendent dètz ans, coma se prevé en aguesti cassi”, segontes a explicat eth tinent d’alcalde e còsso d’Isenda, Amador Marqués. Er equip de govèrn trabalhe entà pagar era totalitat deth deute enes pròplèu mesi.