Se congèle era partida de personau e se retalhen hèstes, òbres e estudis e trabalhs tecnics

Er Ajuntament de Bossòst a aprovat aué eth pressupòst municipau entà 2012, d’1.080.603 èuros, çò que signifique un 13% mens respècte de 2011. Es compdes s’an aprovat damb eth vòt favorable deth grop d’Unitat d’Aran e era abstencion de CDA.

Es principaus retalhades les patissen es hèstes populars (-43%), òbres (-95%) e estudis e trabalhs tecnics (-62%). Atau madeish, se congèle era partida de sòus entà personau e non se preven naues contractacions, a excepcion de dus socorristes entara piscina, subvencionadi pera Deputacion, e dues autes persones ena Oficina de Torisme entà prestar, com cada an, eth servici en ostiu.

Ath delà, es pressupòsti d’enguan comptabilizen eth pagament intègre deth deute acumulat d’ençà de 2003 en matèria de subministrament electric.