Er Ajuntament de Bossòst a previst aplicar un plan d’estauvi pendent er an 2012, d’acòrd damb es ajusti plantejadi peth Govèrn centrau e era Generalitat. “Totun, era nòsta volentat ei preservar es partides que garantissen un corrècte foncionament des servicis publics e retalhar en aqueres despenes que mens afècten ara qualitat de vida des ciutadans, coma hèstes, granes òbres e estudis e projèctes”, segontes a explicat eth tinent d’alcalde Amador Marqués, qu’a lamentat que “es ajusti imposadi se carguen massa soent contra era majoria des ciutadans e es ajuntaments petits com Bossòst”.