Er Ajuntament de Bossòst trabalhe en dessènh d’ua mèrca globau deth municipi. Eth tinent d’alcalde Amador Marqués a explicat qu’aguesta mèrca “se materializarà per miei d’un lògotip que simbolize era identitat pròpria de Bossòst coma municipi toristic e comerciau, mès tanben servirà entà identificar es elements e es servicis restacadi damb er encastre culturau, patrimoniau e esportiu, entre d’auti”.

Er Ajuntament demore auer-la premanida ar inici dera sason der ostiu. “Aguest accion ei frut d’ua estratègia de promocion, en continuïtat damb era propòsta entà declarar Bossòst coma zòna toristica a efèctes des oraris comerciaus”, segontes Marqués.