|
|
Todos los documentos
|
 |
Bossòst comence a bastir eth nau pònt
el 10/03/2010
Er Ajuntament de Bossòst a plaçat dejà es bigues deth nau pònt sus er arriu Garona. Era actuacion dera òbra suposarà ua inversion de 700.000 èuros, finançadi per Ajuntament de Bossòst, eth Conselh Generau d’Aran, era Deputacion de Lleida e eth Departament de Politica Territoriau e Òbres Publiques dera Generalitat.
Eth nau pònt aurà 32 mètres de longada e 11 mètres d’amplada. Aguestes bigues sostien era estructura dera naua infraestructura, qu’ei prevista de finalizar en ostiu de 2010. Era òbra se produsís dempús dera demolicion der antic pònt, qu’auie demorat obsolèt. En sòn lòc, se bastís un nau pònt adaptat, que, segontes er alcalde Paco R. Miranda, “mielhorarà substanciaument era comunicacion entre andús costats”.
Mentre non sigue acabat eth nau pònt, ua passarèlla provisionau a estat abilitada coma corredor principau. Aguesta infraesctructura ei formada per ua plataforma de husta, damb dus carrils, un entà veïculs e un laterau independent entà pedanhs.
|
|
El Gobierno de Aran lamenta la muerte del "entrañable" ex conselhèr generau Castellà
el 08/03/2010
El Conselh Generau d'Aran y el síndic Francés Boya, lamentaron en un comunicado la muerte del "entrañable" ex conselhèr generau y ex conselhèr de Innovación y Empresa del gobierno aranés, José Maria Castellà.
Castellà, que fue escogido en representación del tercio de Quate Lòcs, también formaba parte del Ayuntamiento de Bossòst, como parte del grupo político de Unidad de Aran-PSC, donde "se volcó" en llevar a cabo los proyectos respectivos.
El fallecido trabajó en Televisión Española, y antes de su muerte, debida a una enfermedad irreversible, trabajó en varios proyectos de comunicación que han permitido una mayor difusión de la lengua aranesa en los medios de comunicación.
Boya y el alcalde de Bossòst, Francisco Rodríguez, han mostrado sus condolencias a la familia, y han declarado que "ha sido una perdida irreparable de una persona entrañable que ha prestado, de forma desinteresada su servicio a Aran y al pueblo de Bossòst".
|
|
Condolença pera mòrt deth Mgfc. Sr. José Maria Castellà
el 06/03/2010
En nòm deth Conselh Generau d’Aran, eth sindic Francés Boya exprèsse era condolença pera mòrt deth Mgfc. Sr. José Maria Castellà Rella, exconselhèr generau e exconselhèr d’Innovacion e Empresa deth Govèrn aranés. Castellà, que siguec conselhèr peth terçon de Quate Lòcs, ère tanben còsso der Ajuntament de Bossòst (2007 – 2010), peth grop d’Unitat d’Aran – PM – PSC. Eth Sindic lamente era pèrta irreparabla de José Maria Castellà, ua persona entranhabla qu’a prestat, de forma desinteressada, eth sòn servici a Aran e ath sòn pòble, Bossòst.
|
|
Era corsa de Sant Silvèstre arribe deman ara 3au edicion en Bossòst
.jpg)
el 30/12/2009
Era corsa de Sant Silvèstre de Bossòst arribe deman ara tresau edicion, dempús des èxits arremassats enes ans anteriors. Aguesta corsa populara de tres quilomètres transcurrís per Bossòst e se pòt realizar a pè o en tot córrer. Era gessuda ei deman, 31 de deseme, entàs 15.30 ores ena zòna esportiva de Bossòst. En acabar eth recorrut, se harà entrega des prèmis. Era corsa, promoiguda entà aquerir abits saludables, ei organizada per ajuntament de Bossòst damb era collaboracion deth Conselh Generau d’Aran.
|
|
Bossòst ratifique era declaracion deth Conselh contra era vegueria
el 24/12/2009
Er Ajuntament de Bossòst ei eth prumèr consistòri aranés qu’a ratificat era declaracion institucionau qu’es grops politics deth Conselh Generau d’Aran aprovèren eth passat dimars, en session plenària, entà deféner er Estatut e excludir Aran dera vegueria deth Pirenèu, enes actuaus tèrmes. Eth Plen der Ajuntament a aprovat eth tèxte pera unanimitat des sòns membres, per tant, damb eth vòt favorable des grops d’Unitat d’Aran – PSC e Convergéncia Democratica Aranesa.
Er alcalde Paco Rodríguez Miranda a explicat que “Bossòst se hig ath rehús deth Conselh entà includir Aran ena vegueria deth Pirenèu, segontes se despren der auantprojècte de lei promoigut peth Departament de Governacion, e mòstre tanben eth sòn supòrt ar Estatut d’Autonomia de 2006, perque garantís er autogovèrn des aranesi”. Er alcalde a soslinhat qu’ei “fòrça important qu’es ajuntaments d’Aran se posicionen ath costat dera maxima institucion entà bastir era unitat e hèr fòrça pes nòstes legitimes reivindicacions”.
|
|
Er andito, protagonista der iuèrn en Bossòst
el 26/11/2009
Era ‘anditada’ arribe ara dusau edicion eth pròplèu dimenge amassa damb era setmana gastronomica
Era anditada e era sua setmana gastronomica arriben ara dusau edicion dempús der èxit arremassat en 2008, en qué s’arribèren a aufrir mès de 1.000 racions d’aguest producte tipic deth pòble de Bossòst, er andito. Enguan, era Associacion de Comerçants e Empresaris de Bossòst (ACEB) a tornat a organizar aguesta novedosa degustacion populara, prevista entath pròplèu dimenge, dia 29 de noveme, atau coma era setmana gastronomica relacionada damb er andito, qu’aurà lòc enquiath dia 8 de deseme. I participen 13 restaurants, a on se poderà degustar er andito, damb eth supòrt der ajuntament de Bossòst, era Generalitat de Catalunya e eth Conselh Generau d’Aran, e era collaboracion des carnisseries Pascalet, Pedarròs e Pitún, era panaderia Fernández – Rella, era Escòla d’Ostalaria de Les, Comercial R. Cònsul e Verd Fruit S.C.P.
Ager auec lòc era presentacion d’andús eveniments, en restaurant La trasdienda, dera man deth conselhèr de Torisme, Comèrç e Transpòrt, Juan Antonio Serrano, era prumèra tinenta d’alcalde der ajuntament de Bossòst, Marga Barón, e es representants dera ACEB, Núria Garcia e Martín Inurritegui, que dèren compde deth programa previst. Coma principaus novetats destaquen era elaboracion enguan des anditos acompanhadi de mongetes e era inauguracion des mòstres damb un pregon, en dia dera anditada, a cargue deth director d’Investigacion der Espitau Clinic de Barcelona, eth doctor Ramon Gomis, vinculat pendent fòrça ans damb era Val d’Aran.
Era degustacion der andito ei gratuïta e se harà dimenge, a comdpar des 11.00 ores, ena plaça dera Hònt, a on se prevé ua hèria de productes artesanaus, era venda d’un plat damb andito e beguda e es actuacions dera còlha des Sautarèts de Bossòst e era banda de musica Rural Jass Band.
Producte tradicionau
Er andito ei un embotit tipic e tradicionau de Bossòst, que se hège en iuèrn en totes es cases entara matança deth pòrc, çò que permetie de profitar ath maxim totes es parts deth pòrc. Damb era desaparacion dera matança enes cases, es anditos s’elabòren enes carnisseries de Bossòst en tot seguir estrictament era tradicion. Se tracte d’ua varietat de langoissa elaborada damb es caps des pòrcs, hereishures, arnelhs, alh e pan. Un viatge passades pes budèths, les cau deishar shugar quaqui dies. Sonque se comercializen en iuèrn, damb era calor vien agres. S’acostumen a minjar passadi pera padena o ena brasa. Aué, es restaurants de Bossòst les hèn descurbir damb d’autes manèrs de minjar-les.
|
|
|
|
|
|
